شاہ رخ خان نے گوری خان سے کام سے پہلے میکا سنگھ کو دلچسپ انداز میں خبردار کیا

ممبئی (شوبز ڈیسک) بالی ووڈ کے معروف گلوکار میکا سنگھ نے انکشاف کیا ہے کہ ایک بار سپر اسٹار شاہ رخ خان نے انہیں اپنی اہلیہ گوری خان کے ساتھ کام کرنے سے پہلے دلچسپ انداز میں خبردار کیا تھا۔حال ہی میں ایک انٹرویو کے دوران میکا سنگھ نے بتایا کہ جب انہوں نے اپنے گھر کی اندرونی سجاوٹ کے لیے گوری خان سے رابطہ کرنے کی خواہش ظاہر کی تو شاہ رخ خان نے ہنستے ہوئے انہیں کہا کہ یہ کام مہنگا پڑ سکتا ہے۔میکا سنگھ کے مطابق انہوں نے شاہ رخ خان سے درخواست کی کہ وہ گوری خان سے ان کے گھر کا ڈیزائن تیار کرنے کے لیے بات کریں، جس پر شاہ رخ خان نے مزاحیہ انداز میں انہیں پہلے ہی اخراجات کے بارے میں آگاہ کر دیا تھا۔