لندن( سپورٹس ڈیسک) پاکستان کرکٹ ٹیم کے سابق کپتان شان مسعود کی انگلی میں فریکچر کے باعث چار روزہ پریکٹس میچ میں شرکت پر سوالیہ نشان لگ گیا۔ذرائع کے مطابق شان مسعود نے لندن میں قومی ٹیم کے پہلے تربیتی سیشن میں حصہ نہیں لیا اور انگلی کی انجری کے باعث آرام کیا۔ ان کی چوٹ کا دوبارہ طبی معائنہ کل کیا جائے گا۔ذرائع کا کہنا ہے کہ طبی رپورٹ موصول ہونے کے بعد ٹیم انتظامیہ اور طبی ماہرین شان مسعود کی انجری کا جائزہ لیں گے، جس کے بعد پریکٹس میچ میں ان کی شرکت کے بارے میں حتمی فیصلہ کیا جائے گا۔موجودہ صورتحال میں شان مسعود کے چار روزہ میچ میں شرکت کے امکانات کم ہیں، تاہم ان کی دستیابی کا حتمی فیصلہ کل کے طبی معائنے کے بعد ہوگا۔
