کراچی( شوبز ڈیسک)پاکستانی اداکارہ سونیا حسین نے خواتین اور بچوں پر تشدد و جنسی استحصال کے بڑھتے واقعات پر حکام سے فوری اور ٹھوس کارروائی کا مطالبہ کیا ہے۔سماجی رابطے کی ویب سائٹ انسٹاگرام پر جاری ویڈیو میں اداکارہ نے حکام سے مخاطب ہوتے ہوئے سوال کیا کہ مزید کتنے معصوم جانوں کے ضیاع کے بعد سخت اقدامات کیے جائیں گے؟سونیا حسین نے کہا کہ ایسے واقعات کو صرف الگ الگ جرائم قرار دے کر نظر انداز نہیں کیا جاسکتا۔ ان کے مطابق حکام کو ان ممکنہ گروہوں، ذرائع اور پلیٹ فارمز کی بھی تحقیقات کرنی چاہئیں جو بچوں کے استحصال میں معاونت یا اس سے فائدہ اٹھا رہے ہیں۔
