ممبئی( شو بز ڈیسک)سونو نگم نے سرجری کے دوران گانا گا کر مداحوں کو حیران کردیا، جس کی ویڈیو سوشل میڈیا پر تیزی سے وائرل ہوگئی۔غیر ملکی میڈیا کے مطابق سونو نگم نے اپنی سرجری کے دوران 1949 کی فلم ’دلاری‘ کا معروف گانا ’سہانی رات ڈھل چکی، نہ جانے تم کب آؤ گے‘ گایا اور اس کی ویڈیو اپنے انسٹاگرام اکاؤنٹ پر شیئر کی۔یہ گانا ماضی کے معروف بھارتی پلے بیک گلوکار محمد رفیع کی آواز میں مقبول ہوا تھا۔ سونو نگم کی جانب سے سرجری کے دوران یہ گانا گانے کی ویڈیو نے مداحوں کی خاص توجہ حاصل کرلی۔
