سونی کا بڑا فیصلہ، 2028 سے پلے اسٹیشن کے نئے گیمز صرف ڈیجیٹل فارمیٹ میں دستیاب ہوں گے

کیلیفو رنیا(ویب ڈیسک)ٹیکنالوجی کمپنی سونی نے اعلان کیا ہے کہ یکم جنوری 2028 سے پلے اسٹیشن کے نئے گیمز کی فزیکل ڈسکس کی تیاری بند کر دی جائے گی، جس کے بعد نئے گیمز صرف ڈیجیٹل فارمیٹ میں دستیاب ہوں گے۔کمپنی کے مطابق 2028 کے بعد صارفین پلے اسٹیشن کے نئے گیمز صرف پلے اسٹیشن کے آن لائن اسٹور یا دیگر مجاز ڈیجیٹل پلیٹ فارمز سے خرید سکیں گے۔سونی کا کہنا ہے کہ یہ فیصلہ صارفین میں ڈیجیٹل ڈاؤن لوڈز کے بڑھتے ہوئے رجحان اور گیمنگ کی بدلتی ہوئی ترجیحات کو مدنظر رکھتے ہوئے کیا گیا ہے۔کمپنی کے مطابق اس اقدام سے اس کی حکمت عملی جدید گیمنگ کمیونٹی کے استعمال کے انداز سے مزید ہم آہنگ ہو جائے گی اور ڈیجیٹل ڈسٹری بیوشن کو فروغ ملے گا۔اعلان کے مطابق یکم جنوری 2028 سے پہلے جاری ہونے والے گیمز اس فیصلے سے متاثر نہیں ہوں گے، جبکہ اس تاریخ کے بعد ریلیز ہونے والے تمام نئے پلے اسٹیشن ٹائٹلز صرف ڈیجیٹل صورت میں دستیاب ہوں گے۔