جنوبی کوریا ( شو بز ڈیسک)جنوبی کوریا کے معروف اداکار جنگ ایون وو 39 سال کی عمر میں انتقال کر گئے، ان کی اچانک وفات کی خبر سے مداحوں اور شوبز انڈسٹری میں گہرے دکھ اور صدمے کی لہر دوڑ گئی ہے۔غیر ملکی خبر رساں اداروں کے مطابق جنگ ایون وو کا اصل نام جنگ ڈونگ جن تھا۔ انہوں نے اپنے اداکاری کیریئر کا آغاز 2006 میں کیا اور جلد ہی کوریائی ڈرامہ انڈسٹری میں اپنی پہچان بنا لی۔جنگ ایون وو خاص طور پر مقبول ڈرامہ ’ویلکم ٹو ویکیکی‘ میں اپنے کردار کے باعث شہرت رکھتے تھے۔ اس کے علاوہ انہوں نے ’برائڈ آف دی سن‘، ’فائیو فنگرز‘، ’ون ویل-رائزڈ ڈاٹر‘ اور ’می اونلی ون‘ سمیت متعدد کامیاب ڈراموں میں اداکاری کے جوہر دکھائے۔ان کے انتقال کی خبر 11 فروری 2026 کو سامنے آئی، تاہم تاحال ان کی وفات کی وجہ ظاہر نہیں کی گئی۔اداکار کی سوشل میڈیا پر کی گئی آخری پوسٹ بھی وائرل ہو گئی ہے، جس پر مداح افسوس اور تعزیت کا اظہار کر رہے ہیں اور ان کی خدمات کو خراجِ عقیدت پیش کیا جا رہا ہے۔
