فیفا ورلڈ کپ 2026ء میں سعودی پرچم کے لیے خصوصی احترام، بلند مقام پر آویزاں

لاہور ( سپورٹس ڈیسک)فیفا ورلڈ کپ 2026ء کے دوران سعودی عرب کے قومی پرچم کے ساتھ ایک منفرد اور خصوصی انتظام کیا گیا، جس کے تحت سعودی عرب قومی فٹبال ٹیم کا پرچم میدان میں دیگر ممالک کے جھنڈوں کی طرح زمین پر بچھانے کے بجائے بلند مقام پر آویزاں کیا گیا۔عام طور پر فیفا کے پری میچ پروٹوکول میں شریک ممالک کے پرچم میدان میں بچھائے جاتے ہیں، تاہم اس موقع پر سعودی پرچم کے لیے مختلف طریقہ اختیار کیا گیا، جس نے عالمی سطح پر توجہ حاصل کی۔اس اقدام کی بنیادی وجہ سعودی پرچم پر درج کلمۂ طیبہ ہے، جو اسلامی عقیدے کی علامت سمجھا جاتا ہے اور اسے خصوصی احترام حاصل ہے۔سعودی عرب کے قوانین اور مذہبی روایات کے مطابق قومی پرچم کو زمین پر رکھنا یا اس کی بے حرمتی کو سخت ناپسندیدہ سمجھا جاتا ہے۔اسی حساسیت کو مدنظر رکھتے ہوئے ٹورنامنٹ انتظامیہ نے فیصلہ کیا کہ پرچم کو زمین پر رکھنے کے بجائے ایک بلند اور مخصوص مقام پر آویزاں کیا جائے تاکہ اس کے تقدس اور احترام کو برقرار رکھا جا سکے۔