’’اسپائیڈر مین: برانڈ نیو ڈے‘‘ نے باکس آفس پر دھوم مچا دی، 355 ملین ڈالر کما لیے

 نیویارک( شوبز ڈیسک)ہالی ووڈ کی نئی سپر ہیرو فلم ’’اسپائیڈر مین: برانڈ نیو ڈے‘‘ نے ریلیز کے ابتدائی دنوں میں شاندار کامیابی حاصل کرتے ہوئے باکس آفس پر تاریخ رقم کر دی۔بین الاقوامی میڈیا رپورٹس کے مطابق فلم نے افتتاحی ویک اینڈ پر دنیا بھر میں 355 ملین ڈالر کا بزنس کیا، جو امریکی باکس آفس کی تاریخ میں دوسرا سب سے بڑا افتتاح قرار دیا جا رہا ہے۔اس سے قبل سب سے بڑے افتتاح کا ریکارڈ 2019 میں ریلیز ہونے والی فلم ’’ایونجرز: اینڈ گیم‘‘ کے پاس ہے، جس نے پہلے ہفتے کے اختتام پر 357 ملین ڈالر کی آمدن حاصل کی تھی۔فلم میں اسپائیڈر مین کا مرکزی کردار ٹام ہالینڈ ادا کر رہے ہیں، جبکہ ان کے ساتھ زینڈایا بھی اہم کردار میں شامل ہیں۔ دلچسپ بات یہ ہے کہ دونوں اداکار حقیقی زندگی میں بھی میاں بیوی ہیں۔فلم کی کامیاب شروعات نے اسے دنیا بھر میں شائقین کی توجہ کا مرکز بنا دیا ہے اور باکس آفس پر مزید ریکارڈ بنانے کی توقع ظاہر کی جا رہی ہے۔