ٹیلر سوئفٹ اور ٹریوس کیلسی کا 20 سے زائد خیراتی اداروں کو 26 ملین ڈالر عطیہ

نیویارک( شوبز ڈیسک) عالمی شہرت یافتہ امریکی گلوکارہ ٹیلر سوئفٹ اور فٹبالر ٹریوس کیلسی نے اس ہفتے کم از کم 20 خیراتی اداروں کو مجموعی طور پر 26 ملین ڈالر کا عطیہ دیا ہے۔بین الاقوامی میڈیا رپورٹس کے مطابق یہ واضح نہیں ہے کہ دونوں شخصیات نے انفرادی طور پر کتنی رقم دی، تاہم مختلف خیراتی اداروں کی جانب سے جوڑے کا شکریہ ادا کرتے ہوئے خصوصی بیانات جاری کیے گئے ہیں۔رپورٹ میں کہا گیا ہے کہ ٹیلر سوئفٹ ماضی میں بھی خاموشی سے متعدد بار بڑی رقم خیراتی کاموں کے لیے عطیہ کر چکی ہیں۔یہ اقدام عالمی سطح پر خیراتی سرگرمیوں کے فروغ اور سماجی بہبود کے لیے ایک اہم پیش رفت قرار دیا جا رہا ہے۔