احمد آباد( سپورٹس ڈیسک)ٹی ٹوئنٹی ورلڈ کپ 2026 کے سپر ایٹ مرحلے میں بھارت کو بڑا جھٹکا لگا ہے، کیونکہ بھارتی بیٹر رنکو سنگھ فیملی ایمرجنسی کے باعث ٹیم کو چھوڑ کر گھر روانہ ہو گئے ہیں۔جمعرات کو زمبابوے کے خلاف سپر ایٹ میچ میں ان کی شرکت مشکوک ہے، اور گزشتہ روز ایم اے چدمبرم اسٹیڈیم میں ٹیم کے پریکٹس سیشن میں بھی وہ شریک نہیں ہوئے۔رنکو سنگھ کی فارم اس ایڈیشن میں متاثر کن نہیں رہی۔ گروپ مرحلے میں انہوں نے 6، 1، 11 اور 6 رنز بنائے، جن میں آخری دو اننگز میں وہ ناٹ آؤٹ رہے۔ سپر ایٹ کے پہلے میچ میں جنوبی افریقہ کے خلاف بھارت کو 76 رنز سے شکست ہوئی، اور اس میچ میں رنکو کھاتہ بھی نہ کھول سکے۔ان کی غیر حاضری کی صورت میں ٹیم مینجمنٹ کے پاس سنجو سیمسن اور اکشر پٹیل کو متبادل آپشن کے طور پر استعمال کرنے کا موقع ہے۔
