ممبئی( شوبز ڈیسک) بالی وڈ کے معروف اداکار شاہ رخ خان کی ممبئی کے علاقے بینڈ اسٹینڈ میں واقع رہائش گاہ ’’منت‘‘ کے لان میں دو سانپ نکل آئے۔اطلاع ملنے پر سانپ پکڑنے والے وکی دوبے کو رات 8 بجے طلب کیا گیا۔ امدادی کارروائی کے دوران ایک سانپ سیڑھی کے نیچے سے پکڑ لیا گیا، جبکہ دوسرا گھر کے اندر چلا گیا۔ریسکیو ٹیم نے تلاش کے بعد دوسرے سانپ کو بھی قابو کرلیا۔ ان میں سے ایک سانپ کی شناخت تقریباً 8 فٹ طویل انڈین ریٹ اسنیک کے طور پر ہوئی، جو زہریلا نہیں ہوتا۔دونوں سانپوں کو رہائشی علاقے سے دور ان کے قدرتی مسکن میں چھوڑ دیا گیا۔ سانپوں کے غیر زہریلے ہونے کی تصدیق پر ’’منت‘‘ کے سکیورٹی عملے نے بھی اطمینان کا اظہار کیا۔شاہ رخ خان کی رہائش گاہ ’’منت‘‘ ممبئی کے بینڈ اسٹینڈ میں واقع ہے اور دنیا کی معروف شخصیات کی مشہور رہائش گاہوں میں شمار ہوتی ہے۔
