لاہور ( سپورٹس ڈیسک)یو ایس اوپن فائنل کے دوران سنسنی خیز ٹینس مقابلے کے ساتھ ایک دلچسپ کیمرا موومنٹ نے بھی شائقین کی توجہ حاصل کرلی۔فائنل کے اہم مرحلے میں اسٹیڈیم کی گھڑی پر وقت 0:07 ظاہر ہوا تو براڈکاسٹ کیمرا فوری طور پر حاضرین میں بیٹھے معروف ہالی ووڈ اداکار پیئرس بروسنن کی طرف گھوم گیا۔پیئرس بروسنن جیمز بانڈ کے مشہور کردار ’’007‘‘ کی وجہ سے دنیا بھر میں شہرت رکھتے ہیں۔کیمرا آپریٹر کی بروقت حرکت نے گھڑی پر دکھائی دینے والے 0:07 اور سابق جیمز بانڈ کے درمیان دلچسپ تعلق قائم کردیا، جسے سوشل میڈیا صارفین نے خوب سراہا۔یو ایس اوپن کی سماجی رابطوں کی ٹیم نے بھی اس لمحے کی ویڈیو شیئر کرتے ہوئے کیمرا آپریٹرز کی مہارت کی تعریف کی۔
