لاہور ( سپورٹس ڈیسک)پاکستانی اسپنر عثمان طارق نے قومی ٹیم کے اسکواڈ میں جگہ نہ ملنے کے بعد سوشل میڈیا پر معنی خیز اور طنزیہ پیغام جاری کردیا۔پاکستان کرکٹ بورڈ کی جانب سے سری لنکا کے خلاف تین ٹی ٹوئنٹی اور انگلینڈ و سری لنکا پر مشتمل ون ڈے سہ فریقی سیریز کیلئے ٹیموں کے اعلان کے بعد عثمان طارق نے انسٹاگرام پر پیغام شیئر کیا۔انہوں نے لکھا کہ عقلمندی کا سب سے مشکل امتحان اس وقت خاموش رہنا ہے جب انا انسان کو بولنے پر مجبور کررہی ہو۔29 سالہ عثمان طارق نے 2026 کے ٹی ٹوئنٹی ورلڈکپ میں پاکستان کی نمائندگی کرتے ہوئے 6 میچز میں 10 وکٹیں حاصل کی تھیں اور وہ ٹورنامنٹ میں قومی ٹیم کے سب سے کامیاب بولر رہے تھے۔تاہم انہیں سری لنکا کے خلاف ٹی ٹوئنٹی سیریز اور آئندہ ون ڈے سہ فریقی سیریز کیلئے قومی اسکواڈ میں شامل نہیں کیا گیا۔ دوسری جانب سلمان علی آغا کی جگہ صاحبزادہ فرحان کو ٹی ٹوئنٹی ٹیم کا نیا کپتان مقرر کیا گیا ہے۔پاکستان اور سری لنکا کے درمیان پہلا ٹی ٹوئنٹی میچ 9 اکتوبر کو راولپنڈی میں کھیلا جائے گا۔
