کراچی( شو بز ڈیسک)سابق پاکستانی کپتان وسیم اکرم نے بھارتی گلوکار و اداکار دلجیت دوسانجھ کی تعریف کرتے ہوئے انہیں اپنا پسندیدہ پنجابی گلوکار قرار دیا ہے۔سوشل میڈیا پر گردش کرنے والی ایک ویڈیو میں وسیم اکرم سے ان کے پسندیدہ پنجابی گلوکار کے بارے میں سوال کیا گیا، جس پر انہوں نے فوراً دلجیت دوسانجھ کا نام لیا۔وسیم اکرم نے دلجیت کی موسیقی کو شاندار قرار دیتے ہوئے کہا کہ وہ دنیا کے بڑے ستاروں میں شامل ہیں اور عالمی سطح پر ملنے والی کامیابی اور پذیرائی کے مستحق ہیں۔سابق کپتان کے بیان پر سوشل میڈیا صارفین نے مثبت ردِعمل کا اظہار کیا اور دونوں ممالک کی معروف شخصیات کے درمیان باہمی احترام کو سراہا۔دلجیت دوسانجھ گزشتہ برسوں کے دوران پنجابی موسیقی کے معروف فنکار سے عالمی سطح پر مقبول گلوکار اور تفریحی شخصیت بن چکے ہیں۔
