ممبئی( شو بز ڈیسک)بھارتی فلمساز اور معروف میزبان کرن جوہر نے انکشاف کیا ہے کہ وہ اپنے مشہور پروگرام ’کافی ود کرن‘ کی شوٹنگ کے دوران مخصوص مگ میں کافی کے بجائے ڈائٹ کولڈ ڈرنک پیتے ہیں۔’کافی ود کرن‘ کا نیا اور آخری سیزن 14 اکتوبر کو شروع ہوا، جس کی پہلی قسط میں سلمان خان نے بطور مہمان شرکت کی۔ پروگرام میں کرن جوہر کے ہاتھ میں نظر آنے والے مخصوص مگ میں موجود مشروب کے بارے میں مداح طویل عرصے سے تجسس کا شکار تھے۔حالیہ قسط کے دوران اداکارہ کرشمہ کپور نے ان سے پوچھا کہ وہ شوٹنگ کے وقت اپنے مگ میں کیا پیتے ہیں؟ اس پر کرن جوہر نے بتایا کہ وہ بلیک کافی نہیں پیتے بلکہ ان کے مگ میں ڈائٹ کولڈ ڈرنک ہوتی ہے۔
