واٹس ایپ کے 4 نئے فیچرز، آئی پیڈ پر بھی براہِ راست اکاؤنٹ بنایا جا سکے گا

کیلیفورنیا( ویب ڈیسک) واٹس ایپ نے صارفین کے لیے چار نئے فیچرز متعارف کرانے کا اعلان کیا ہے، جن کا مقصد مختلف ڈیوائسز پر ایپ کے استعمال کو مزید آسان اور مؤثر بنانا ہے۔نئی اپ ڈیٹ کے تحت اب صارفین آئی پیڈ پر براہِ راست واٹس ایپ اکاؤنٹ بنا سکیں گے۔ اس کے لیے پہلے کسی موبائل فون سے اکاؤنٹ لنک کرنے کی ضرورت نہیں ہوگی، بلکہ صارفین آئی پیڈ پر ہی رجسٹریشن مکمل کرکے فوری طور پر واٹس ایپ استعمال کر سکیں گے۔کمپنی نے ایپل کار پلے اور اینڈرائیڈ آٹو کے لیے بھی نئے فیچرز متعارف کرائے ہیں، جن کے ذریعے صارفین دورانِ ڈرائیونگ ہینڈز فری انداز میں واٹس ایپ استعمال کر سکیں گے۔ان سہولیات کی بدولت صارفین پیغامات سننے اور ان کا جواب دینے، وائس کالز کرنے، کال ہسٹری دیکھنے اور گاڑی کی اسکرین سے اپنے پسندیدہ رابطوں تک آسانی سے رسائی حاصل کرنے کے قابل ہوں گے۔واٹس ایپ کا کہنا ہے کہ نئے فیچرز کا مقصد صارفین کو مختلف ڈیوائسز پر زیادہ سہولت، بہتر رابطے اور محفوظ انداز میں پیغام رسانی کی سہولت فراہم کرنا ہے۔