واٹس ایپ کا نیا فیچر: آن لائن اور حالیہ ایکٹیو کانٹیکٹس ایک ہی جگہ دیکھنے کی سہولت

 لاہور( ویب ڈیسک)انسٹنٹ میسجنگ ایپلی کیشن واٹس ایپ آئی فون صارفین کے لیے ایک نیا فیچر تیار کر رہی ہے جس کے ذریعے صارفین اپنے آن لائن اور حال ہی میں ایکٹیو کانٹیکٹس ایک ہی جگہ دیکھ سکیں گے۔واٹس ایپ بِیٹا انفو کی رپورٹ کے مطابق یہ فیچر ایک نئے “کانٹیکٹس حب” کی صورت میں متعارف کرایا جائے گا، جس میں صارفین کو مختلف کیٹیگریز میں کانٹیکٹس دکھائی دیں گے۔رپورٹ میں بتایا گیا ہے کہ موجودہ سسٹم میں کسی بھی شخص کا آن لائن اسٹیٹس دیکھنے کے لیے ہر چیٹ الگ سے کھولنی پڑتی ہے، تاہم نئے فیچر کے بعد یہ معلومات ایک ہی جگہ دستیاب ہوں گی۔نئے ڈیزائن کے مطابق سب سے اوپر فیورٹ کانٹیکٹس دکھائے جائیں گے، اس کے بعد آن لائن موجود افراد اور پھر حال ہی میں ایکٹیو رہنے والے صارفین کی فہرست نظر آئے گی۔رپورٹ کے مطابق یہ نیا سیکشن واٹس ایپ کی سیٹنگز میں شامل ہوگا، تاہم پرائیویسی کے موجودہ اصول برقرار رہیں گے، یعنی صرف وہی صارف دوسروں کا اسٹیٹس دیکھ سکیں گے جنہوں نے خود بھی اپنی پرائیویسی اجازت فعال کر رکھی ہو۔