بنگلہ دیش( سپورٹس ڈیسک)ویمنز ٹی ٹوئنٹی ورلڈ کپ کے اہم میچ میں بنگلہ دیش نے پاکستان کو 23 رنز سے شکست دے دی۔ پاکستان کی ٹیم 124 رنز کے ہدف کے تعاقب میں مقررہ 20 اوورز میں 8 وکٹوں کے نقصان پر 100 رنز بنا سکی۔میچ میں بنگلہ دیش نے ٹاس جیت کر پہلے بیٹنگ کا فیصلہ کیا اور 20 اوورز میں 6 وکٹوں کے نقصان پر 123 رنز اسکور کیے۔ ابتدائی نقصان کے باوجود کپتان نگار سلطانہ نے 36 رنز کی ذمہ دارانہ اننگز کھیلی جبکہ شورنا اختر نے 22 گیندوں پر ناقابل شکست 39 رنز بنا کر ٹیم کو مضبوط مجموعے تک پہنچایا۔پاکستان کی جانب سے فاطمہ ثنا نے شاندار بولنگ کرتے ہوئے 18 رنز کے عوض 2 وکٹیں حاصل کیں۔ہدف کے تعاقب میں پاکستان کو ابتدا میں اچھا آغاز ملا، منیبہ علی نے 25 اور گل فیروزہ نے 23 رنز اسکور کیے۔ دونوں کے درمیان 49 رنز کی شراکت قائم ہوئی، تاہم بعد میں پاکستانی بیٹنگ لائن دباؤ کا شکار ہو گئی۔بنگلہ دیش کی بولرز نے بہترین کارکردگی دکھاتے ہوئے پاکستان کو 100 رنز تک محدود رکھا۔ میگھلا اور ناہیدہ اختر نے 3، 3 وکٹیں حاصل کیں جبکہ رابعہ خان اور ریتو مونی نے ایک، ایک وکٹ حاصل کی۔
