کراچی( شو بز ڈیسک)پاکستانی اداکارہ یمنیٰ زیدی نے کام کے سلسلے میں گھر اور اہلِ خانہ سے دور ہونے کے جذباتی لمحات کی ویڈیو مداحوں کے ساتھ شیئر کردی۔اداکارہ نے انسٹاگرام پر جاری ویڈیو میں دکھایا کہ وہ طیارے میں بیٹھی ہیں اور ان کی آنکھوں میں آنسو ہیں، تاہم چہرے پر ہلکی مسکراہٹ بھی نظر آ رہی ہے۔یمنیٰ زیدی نے بتایا کہ شوبز سے وابستہ ہوئے کئی برس گزرنے کے باوجود کام کیلئے گھر سے روانہ ہوتے وقت ان کی آنکھیں آج بھی نم ہوجاتی ہیں۔ ان کے مطابق پروازوں اور آنسوؤں کا برسوں پرانا تعلق ہے۔اداکارہ نے کہا کہ خاندان سے دور ہوکر دنیا کا سامنا کرنا اور تمام معاملات سنبھالنا جذباتی مرحلہ ہوتا ہے۔ اگرچہ وہ ان آنسوؤں کی عادی ہوچکی ہیں، لیکن اب عجیب طور پر انہیں یہ جذبات بھی اچھے لگنے لگے ہیں کیونکہ زندگی انسان کی استاد ہے۔یمنیٰ زیدی نے 2012 میں صبا قمر کے ساتھ ڈراما ’’تھکن‘‘ سے اداکاری کا آغاز کیا تھا اور بعدازاں متعدد مقبول ڈراموں میں کام کرکے پاکستانی ٹیلی ویژن کی نمایاں اداکاراؤں میں شامل ہوگئیں۔
