کراچی( شو بز ڈیسک) اداکارہ زارا نور عباس نے پاکستانی سنیما کے مستقبل پر گفتگو کرتے ہوئے کہا ہے کہ ناظرین سے صرف قومی وابستگی کی بنیاد پر مقامی فلمیں دیکھنے کی توقع نہیں کی جانی چاہیے۔ ان کے مطابق فلم میں ایسی حقیقی کشش ہونی چاہیے جو لوگوں کو سنیما تک لے کر آئے، جبکہ فلم سازوں کو بھی معیار بہتر بنا کر مسلسل خود کو ثابت کرنا ہوگا۔ انہوں نے بین الاقوامی فلموں کی مثال دیتے ہوئے کہا کہ پاکستانی سنیما کو بھی ناظرین کا اعتماد حاصل کرنے کیلئے اپنی صلاحیتیں مزید بہتر بنانا ہوں گی۔
