ممبئی( شوبز ڈیسک)بالی ووڈ اداکار زید خان نے اپنی بہن سوزین خان اور ہریتھک روشن کی طلاق کے چودہ سال بعد کھل کر گفتگو کرتے ہوئے کہا ہے کہ یہ رشتہ بننے کے لیے نہیں تھا۔ایک حالیہ انٹرویو میں زید خان نے بتایا کہ دونوں خاندانوں نے بالغ نظری کا مظاہرہ کرتے ہوئے سوزین اور ہریتھک کو علیحدگی کے بعد اپنی اپنی خوشی تلاش کرنے کی آزادی دی۔ ان کے مطابق اختلافات کے ساتھ زبردستی ایک ساتھ رہنے کے بجائے علیحدگی کا فیصلہ بہتر ثابت ہوا۔انہوں نے کہا کہ اگر کسی تعلق کو زبردستی برقرار رکھنے کی کوشش کی جائے تو دونوں افراد تکلیف میں رہتے ہیں، اس لیے بہتر یہی ہے کہ حقیقت کو تسلیم کرتے ہوئے آگے بڑھا جائے۔زید خان کا مزید کہنا تھا کہ طلاق کے بعد بچوں کی پرورش اور ان کی بہتر تربیت سب سے اہم ذمہ داری بن جاتی ہے، اور دونوں خاندانوں نے اسی پہلو پر توجہ دی۔انہوں نے کہا کہ اب یہ باب ختم ہو چکا ہے اور سب کو اپنی زندگی میں آگے بڑھ کر اپنی خوشیوں کی تلاش کرنی چاہیے۔
