اسلام آباد( پاکستان خبر) وزیر داخلہ بلوچستان ضیاء اللہ لانگو نے کہا ہے کہ پاکستان کے خلاف عالمی سطح پر سازشیں کی جا رہی ہیں، جن کا مقصد ملک کو نقصان پہنچانا ہے۔انہوں نے نجی ٹی وی پروگرام "ٹونائٹ ود ثمر عباس" میں گفتگو کرتے ہوئے دعویٰ کیا کہ بھارت اور اسرائیل اس حوالے سے مالی معاونت فراہم کر رہے ہیں۔ضیاء اللہ لانگو کا کہنا تھا کہ دہشت گرد جہاں بھی موجود ہوں گے، ان کے خلاف کارروائی کی جائے گی اور امن و امان کے قیام کے لیے اقدامات جاری رہیں گے۔وزیر داخلہ بلوچستان نے بتایا کہ صوبے میں کہیں خفیہ معلومات کی بنیاد پر کارروائیاں کی جا رہی ہیں جبکہ بعض مقامات پر مکمل آپریشنز بھی جاری ہیں۔
