انڈونیشیا( مانیٹرنگ ڈیسک)انڈونیشیا کے ساحل کے قریب 7.7 شدت کے شدید زلزلے کے بعد مختلف حادثات میں اموات کی تعداد 20 ہوگئی ہے۔خبر رساں ایجنسی کے مطابق زلزلہ ہفتے کی صبح مقامی وقت کے مطابق 4 بج کر 58 منٹ پر تقریباً 35 کلومیٹر کی گہرائی میں آیا، جس کے بعد متعدد آفٹر شاکس بھی محسوس کیے گئے۔زلزلہ پیما مرکز کے مطابق زلزلے کی شدت 7.7 ریکارڈ کی گئی۔ زلزلے کے بعد انڈونیشیا کی جیو فزکس ایجنسی نے ابتدائی طور پر سونامی کی وارننگ جاری کی، تاہم تقریباً 3 گھنٹے بعد یہ انتباہ واپس لے لیا گیا۔انڈونیشی حکام کے مطابق زلزلے کے نتیجے میں مختلف حادثات کے باعث ہلاکتوں کی تعداد 20 ہوگئی ہے۔دوسری جانب آسٹریلیا کے سونامی وارننگ سینٹر نے واضح کیا ہے کہ سمندر میں آنے والے اس زلزلے کے باعث آسٹریلوی سرزمین، جزائر یا علاقوں کو سونامی کا کوئی خطرہ نہیں۔
