کراچی( شوبز ڈیسک)پاکستانی اداکار احد رضا میر نے دوسری بار محبت کرنے کے تصور پر اپنی رائے کا اظہار کرتے ہوئے کہا ہے کہ ان کے نزدیک انسان کو محبت صرف ایک بار ہوتی ہے۔نئے ڈرامہ سیریل ’ایک محبت اور‘ میں ہارون ملک کا کردار ادا کرنے والے احد رضا میر نے ساتھی اداکارہ مایا علی کے ہمراہ ایک پروموشنل انٹرویو میں گفتگو کی، جہاں انہوں نے محبت اور رشتوں سے متعلق اپنے خیالات بیان کیے۔احد رضا میر کا کہنا تھا کہ وہ بار بار محبت میں پڑنے کے نظریے پر یقین نہیں رکھتے اور ان کے خیال میں حقیقی محبت زندگی میں ایک ہی بار ہوتی ہے۔اس موقع پر مایا علی نے ان کی رائے سے اختلاف کرتے ہوئے کہا کہ ضروری نہیں کہ پہلی محبت ہی کامیاب یا درست ہو، انسان سے غلطی بھی ہو سکتی ہے اور اسے زندگی میں دوبارہ سچی محبت بھی مل سکتی ہے۔
