کراچی (شو بز ڈیسک) پاکستانی اداکارہ عفت عمر نے لاہور میں منعقدہ لام فیشن ویک کے دوران کلام پر رقص کرنے کے معاملے پر وضاحت پیش کردی۔فیشن شو کی ایک ویڈیو سوشل میڈیا پر وائرل ہوئی تھی، جس میں عفت عمر کو معروف ڈیزائنر نیلوفر شاہد کے ہمراہ اسٹیج پر رقص کرتے اور مختلف تاثرات کا اظہار کرتے دیکھا گیا۔ اس ویڈیو کے بعد انہیں سوشل میڈیا صارفین کی جانب سے شدید تنقید کا سامنا کرنا پڑا۔عفت عمر نے وضاحت کرتے ہوئے کہا کہ ابتدا میں انہیں معلوم نہیں تھا کہ پس منظر میں کون سا کلام چل رہا ہے، تاہم جیسے ہی انہوں نے بولوں پر توجہ دی، فوراً رقص کرنا بند کردیا۔اداکارہ کا کہنا تھا کہ اگر انہیں پہلے سے معلوم ہوتا کہ پس منظر میں کلام چل رہا ہے تو وہ کبھی اس پر رقص نہ کرتیں۔
