مشہور بھارتی کرائم شو ’سی آئی ڈی‘ کے خالق بی پی سنگھ 77 برس کی عمر میں انتقال کرگئے

ممبئی( شو بز ڈیسک)بھارت کے مشہور کرائم شو ’سی آئی ڈی‘ کے خالق، پروڈیوسر اور ہدایت کار برجیندر پال سنگھ المعروف بی پی سنگھ 77 برس کی عمر میں انتقال کرگئے۔غیر ملکی میڈیا رپورٹس کے مطابق بی پی سنگھ منگل کی صبح دل کا دورہ پڑنے کے باعث چل بسے۔ان کے انتقال کی تصدیق فلم ساز اشوک پنڈت نے کی۔ انہوں نے سوشل میڈیا پلیٹ فارم انسٹاگرام پر اپنے پیغام میں کہا کہ بی پی سنگھ ایک شاندار فلم ساز تھے، جنہوں نے اپنے کرائم شوز ’سی آئی ڈی‘ اور ’آہٹ‘ کے ذریعے ناظرین کو اپنے سحر میں جکڑے رکھا۔ ان کا کام آنے والی نسلوں تک یاد رکھا جائے گا۔بی پی سنگھ کی اچانک موت پر مداحوں اور شوبز شخصیات کی جانب سے گہرے دکھ اور افسوس کا اظہار کیا جارہا ہے۔