کراچی( شوبزڈیسک)پاکستانی اداکارہ علیزے شاہ نے ریئلٹی شو ’تماشا سیزن 5‘ میں شرکت سے متعلق گردش کرنے والی خبروں پر اپنا ردعمل دے دیا۔سوشل میڈیا پر ایک پوسٹ میں مداحوں نے خواہش ظاہر کی کہ وہ علیزے شاہ کو ’تماشا سیزن 5‘ میں دیکھنا چاہتے ہیں، جس پر اداکارہ نے جواب دیتے ہوئے کہا کہ نہ تو شو کا اتنا بجٹ ہے اور نہ ہی ان کا اس حوالے سے کوئی ایسا مقام ہے۔علیزے شاہ کا یہ بیان سامنے آتے ہی سوشل میڈیا پر وائرل ہوگیا، جس پر صارفین کی جانب سے ملا جلا ردعمل دیکھنے میں آیا۔ کچھ صارفین نے اداکارہ کے بے باک انداز کو سراہا، جبکہ بعض نے ان کے الفاظ کو سخت اور غیر ضروری قرار دیا۔واضح رہے کہ ’تماشا سیزن 5‘ میں شرکت کرنے والی شخصیات کے حوالے سے مختلف نام سوشل میڈیا پر گردش کر رہے ہیں، تاہم شو انتظامیہ کی جانب سے اب تک شرکا کی حتمی فہرست جاری نہیں کی گئی۔
