بابر اعظم کی قومی ویمنز ٹیم کے لیے نیک خواہشات، بھارت کے خلاف میچ سے قبل حوصلہ افزائی

لاہور ( سپورٹس ڈیسک) پاکستان کرکٹ ٹیم کے اسٹار بلے باز بابر اعظم نے ٹی ٹوئنٹی ورلڈ کپ کے سلسلے میں پاکستان ویمنز کرکٹ ٹیم کے لیے نیک خواہشات کا اظہار کیا ہے۔بابر اعظم نے سماجی رابطے کی ویب سائٹ پر قومی ویمنز ٹیم کے لیے پیغام دیتے ہوئے کہا کہ ہماری ویمنز ٹیم کو ورلڈ کپ کے لیے نیک تمنائیں۔انہوں نے کہا کہ پاکستان کا پرچم آپ کے ہاتھ میں ہے، پوری قوم کی دعائیں آپ کے ساتھ ہیں، جائیں اور ملک کا نام فخر سے بلند کریں۔ بابر اعظم کا مزید کہنا تھا کہ یہ وقت کھلاڑیوں کو بھرپور سپورٹ کرنے کا ہے۔خیال رہے کہ ویمنز ٹی ٹوئنٹی ورلڈ کپ 2026 میں قومی ٹیم آج اپنا پہلا میچ بھارت کے خلاف کھیلے گی۔