ممبئی( شو بز ڈیسک)بالی ووڈ میوزک انڈسٹری پر دو دہائیوں سے اپنی موسیقی کا سحر قائم رکھنے والے معروف موسیقار پریتم کی 54ویں سالگرہ پر سوشل میڈیا پر کی گئی ایک پوسٹ نے مداحوں میں تشویش پیدا کر دی ہے۔سالگرہ کی مبارکباد دینے والوں کا شکریہ ادا کرتے ہوئے پریتم نے انسٹاگرام پر لکھا کہ انہوں نے اپنی زندگی کے کچھ سال مختلف انداز میں گزارنے کا فیصلہ کیا ہے تاکہ وہ خواہشات پوری کر سکیں جو مصروفیات کے باعث پوری نہ ہو سکیں۔ان کے اس بیان کے بعد سوشل میڈیا پر یہ قیاس آرائیاں شروع ہو گئی ہیں کہ وہ ممکنہ طور پر بالی ووڈ کی مرکزی موسیقی کی دنیا سے کنارہ کشی اختیار کر سکتے ہیں۔اگرچہ پریتم نے اپنے بیان میں براہ راست ریٹائرمنٹ کا ذکر نہیں کیا، تاہم مداحوں میں ان کے مستقبل کے حوالے سے مختلف سوالات اور تشویش پائی جا رہی ہے۔
