وا شنگٹن( شوبزڈ یسک)امریکی کامیڈین کولن آرم اسٹرانگ نے اپنے مزاحیہ شو میں اسرائیل کے خلاف طنز و مزاح پیش کیا جس پر ہال میں موجود ناظرین بے اختیار ہنستے رہے۔شو کے دوران جب انہوں نے اسرائیلی بیس بال ٹیم کو گھر چور کہہ کر طنزیہ انداز اختیار کیا تو ایک خاتون نے پروگرام میں خلل ڈالنے کی کوشش کی۔ اس پر کامیڈین نے مزاحیہ انداز میں جواب دیتے ہوئے کہا کہ اسرائیل نے پوری دنیا کو تباہ کر دیا ہے اور اب آپ میرا شو خراب کر رہی ہیں۔پروگرام کے اختتام پر جب وہ اسٹیج چھوڑنے لگے تو حاضرین میں سے کسی نے مزید ایک لطیفہ سنانے کی فرمائش کی۔ اس پر کولن آرم اسٹرانگ نے دوبارہ اسی خاتون کی طرف اشارہ کرتے ہوئے طنزیہ جواب دیا کہ اب وہ مزید لطیفے نہیں سنائیں گے اور صرف امن کے ساتھ رہنا چاہتے ہیں۔ان کے اس مزاحیہ انداز اور برجستہ جملوں نے شو کو مزید دلچسپ بنا دیا اور حاضرین دیر تک ہنستے رہے۔
