ڈاکٹر فضیلہ عباسی نے گرفتاری سے بچنے کے لیے اسلام آباد ہائیکورٹ سے رجوع کر لیا

اسلام آباد( شوبز ڈیسک) معروف اداکار حمزہ عباسی کی بہن، ڈاکٹر فضیلہ عباسی نے گرفتاری سے بچنے کے لیے اسلام آباد ہائیکورٹ سے رجوع کر لیا ہے۔اسلام آباد ہائیکورٹ کے رجسٹرار آفس نے ڈاکٹر فضیلہ عباسی کے کیس کی سماعت کل کے لیے مقرر کی ہے، جس میں جسٹس اعظم خان سماعت کریں گے۔ٹرائل کورٹ نے عدم پیشی پر ان کی ضمانت منسوخ کر دی تھی۔ ڈاکٹر فضیلہ عباسی ایف آئی اے کے زیر تفتیش اربوں روپے کے منی لانڈرنگ کیس میں مطلوب ہیں۔واضح رہے کہ ایف آئی اے نے ان کے خلاف منی لانڈرنگ کا مقدمہ درج کیا ہے، جس میں الزام ہے کہ ان کے 22 بینک اکاؤنٹس میں تقریباً 25 ارب روپے کا ٹرن اوور ہوا، جبکہ ان کی ظاہر کردہ سالانہ آمدن صرف چار سے چھ لاکھ روپے تھی۔