کراچی( شوبز ڈیسک)پاکستانی یوٹیوبر رجب بٹ کی اہلیہ ایمان رجب نے معروف ناول ’پیرِ کامل‘ کے مقبول کردار سالار سکندر سے اپنی مماثلت بیان کرتے ہوئے سوشل میڈیا پر نئی بحث چھیڑ دی۔ایمان رجب نے فوٹو شیئرنگ پلیٹ فارم انسٹاگرام پر ایک پوسٹ میں لکھا کہ انہیں سالار سکندر کا خواتین والا روپ کہا جا سکتا ہے، کیونکہ انہوں نے اسے وہ محبت دی جو وہ خود بھی اس سے حاصل کرنا چاہتی تھیں۔ان کی یہ پوسٹ ایسے وقت سامنے آئی ہے جب ایمان رجب اور ان کے شوہر رجب بٹ گزشتہ کئی ماہ سے علیحدگی کی افواہوں، طلاق کے نوٹس اور دوبارہ صلح کی خبروں کے باعث خبروں کی زینت بنے ہوئے ہیں۔سوشل میڈیا صارفین نے ایمان رجب کے اس بیان پر مختلف ردعمل کا اظہار کیا، بعض نے اسے جذباتی اظہار قرار دیا جبکہ کچھ صارفین نے اس پر تبصرے اور سوالات بھی اٹھائے۔
