لاہور ( سپورٹس ڈیسک)اسپین سے سیمی فائنل میں شکست کے بعد فرانس کی ٹیم فیفا ورلڈ کپ میں تیسری پوزیشن حاصل کرنے کے لیے انگلینڈ کے خلاف بھرپور تیاری کر رہی ہے، جبکہ انگلینڈ بھی ارجنٹائن کے ہاتھوں شکست کا ازالہ جیت کے ساتھ کرنا چاہتا ہے۔فرانس اور انگلینڈ ہفتے کو میامی اسٹیڈیم میں تیسری پوزیشن کے میچ میں مدمقابل ہوں گے، جہاں دونوں روایتی حریف فتح کے لیے پرعزم ہیں۔دونوں ٹیموں کا آخری ورلڈ کپ مقابلہ 2022 کے قطر ورلڈ کپ کے کوارٹر فائنل میں ہوا تھا، جس میں فرانس نے انگلینڈ کو 2-1 سے شکست دی تھی۔فرانس اس کامیابی کا تسلسل برقرار رکھنے کا خواہاں ہے، جبکہ انگلینڈ کے پاس اس شکست کا حساب برابر کرنے کا بہترین موقع موجود ہے۔فائنل کی دوڑ سے باہر ہونے کے بعد دونوں ٹیمیں تیسری پوزیشن حاصل کر کے اپنے شائقین کی مایوسی کم کرنے کی کوشش کریں گی۔امکان ظاہر کیا جا رہا ہے کہ دونوں کوچز، دیدیے دیشان اور تھامس ٹوخل، اس میچ میں ان کھلاڑیوں کو بھی موقع دیں گے جنہیں ٹورنامنٹ کے دوران محدود وقت ملا تھا۔
