نئی دہلی( مانیٹرنگ ڈیسک) بھارتی ریاست منی پور میں پرتشدد واقعات میں ایک بار پھر اضافہ دیکھنے میں آیا ہے، جہاں اغوا کیے گئے چھ افراد کی لاشیں برآمد ہوئی ہیں۔بھارتی جریدے “انڈیا نیوز نیٹ ورک” کے مطابق ایک ماہ قبل ناگا قبیلے سے تعلق رکھنے والے چھ افراد کو ایک مسلح گروہ نے اغوا کیا تھا، جن کی لاشیں اب ملی ہیں۔ اس واقعے کے بعد علاقے میں نسلی کشیدگی مزید بڑھ گئی ہے۔بھارتی اخبار دی ہندو کے مطابق واقعے کے بعد ناگا تنظیموں نے احتجاجی ہڑتال کی کال دیتے ہوئے ریاست کے نائب وزیر اعلیٰ سے استعفیٰ کا مطالبہ بھی کیا ہے۔رپورٹس کے مطابق فروری سے جاری پرتشدد واقعات میں اب تک تقریباً 260 افراد ہلاک جبکہ 60 ہزار سے زائد افراد بے گھر ہو چکے ہیں، جس کے باعث علاقے میں حالات کشیدہ ہیں۔
