ممبئی (شوبز ڈیسک) بالی ووڈ اداکارہ کنگنا رناوت نے گلوکار و اداکار دلجیت دوسانجھ کے ساتھ جاری تنازع سے متعلق خبروں کو مسترد کرتے ہوئے واضح کیا ہے کہ ان کے درمیان کوئی ذاتی دشمنی نہیں۔اپنی نئی فلم کی تشہیری مہم کے دوران ایک انٹرویو میں کنگنا رناوت نے دلجیت دوسانجھ کے حوالے سے گفتگو کرتے ہوئے کہا کہ دونوں کے درمیان صرف ایک مخصوص معاملے پر اختلافِ رائے تھا۔انہوں نے کہا کہ وہ دلجیت دوسانجھ کے خلاف کوئی ذاتی رنجش نہیں رکھتیں۔ ان کے مطابق وہ ایک دوسرے کے مخالف نہیں بلکہ صرف ایک واقعے پر ان کی رائے مختلف تھی۔کنگنا رناوت کا مزید کہنا تھا کہ حقیقت یہ ہے کہ وہ آج تک دلجیت دوسانجھ سے کبھی نہیں ملتیں۔
