کویت سٹی (کامرس ڈیسک) کویت کا بجٹ خسارہ بڑھ کر 23 ارب ڈالر تک پہنچ گیا ہے، جبکہ ملک کی تیل سے حاصل ہونے والی آمدنی میں بھی نمایاں کمی ریکارڈ کی گئی ہے۔کویت کی وزارت خزانہ کے مطابق مالی سال 2025-26 میں ملک کا بجٹ خسارہ بڑھ کر 7.1 ارب کویتی دینار ہو گیا، جو تقریباً 23 ارب ڈالر کے برابر ہے۔وزارت خزانہ کی جانب سے جاری بیان کے مطابق گزشتہ مالی سال کے مقابلے میں بجٹ خسارے میں 13.2 فیصد اضافہ ریکارڈ کیا گیا۔اعداد و شمار کے مطابق ملک کی مجموعی آمدنی ابتدائی تخمینے سے 10 فیصد کم رہی، جبکہ تیل سے حاصل ہونے والی آمدنی میں 11.2 فیصد کمی کے بعد یہ 15.3 ارب کویتی دینار رہ گئی، جو 49 ارب ڈالر سے زائد بنتی ہے۔کویت کی معیشت کا بڑا انحصار تیل کی آمدنی پر ہے، جس کے باعث عالمی منڈی میں تیل کی قیمتوں میں اتار چڑھاؤ ملک کے مالی معاملات پر براہ راست اثر انداز ہوتا ہے۔
