نیو یارک( سپورٹس ڈیسک)فیفا ورلڈ کپ 2026 کے فائنل میں کامیابی کے بعد اسپین کے نوجوان فٹبالر لامین یمال امریکی صدر ڈونلڈ ٹرمپ کے ساتھ مصافحے کے باعث سوشل میڈیا پر توجہ کا مرکز بن گئے۔تفصیلات کے مطابق ٹرافی تقریب کے دوران 19 سالہ لامین یمال اور ڈونلڈ ٹرمپ کے درمیان ہونے والا مصافحہ سوشل میڈیا پر تیزی سے وائرل ہوگیا، جس پر صارفین نے مختلف تبصرے کیے۔کئی صارفین کا دعویٰ ہے کہ یمال نے ابتدا میں ٹرمپ سے مصافحہ کرنے سے گریز کیا، تاہم بعد میں انہوں نے صورتحال کو اعتماد کے ساتھ سنبھالتے ہوئے مصافحہ کیا۔وائرل ویڈیو میں دیکھا جا سکتا ہے کہ یمال نے ہاتھ آگے بڑھایا، پھر چند لمحوں کے لیے پیچھے کیا اور بعد ازاں ٹرمپ کی جانب متوجہ ہو کر پُرسکون انداز میں مصافحہ کیا۔سوشل میڈیا صارفین نے یہ بھی تبصرہ کیا کہ ڈونلڈ ٹرمپ کے معروف مضبوط مصافحے کے باوجود لامین یمال اپنے انداز میں پراعتماد اور پرسکون نظر آئے۔
