لنزے اسمتھ نئی نمبر ون ٹی ٹوئنٹی ویمنز بولر، سعدیہ اقبال کی پہلی پوزیشن ختم

دبئی( سپورٹس ڈیسک)آئی سی سی ویمنز ٹی ٹوئنٹی ورلڈ کپ 2026 کے آغاز سے چند روز قبل جاری ہونے والی نئی ٹی ٹوئنٹی ویمنز انٹرنیشنل رینکنگ میں انگلینڈ کی اسپنر لنزے اسمتھ دنیا کی نئی نمبر ون بولر بن گئی ہیں۔انہوں نے پاکستان کی سعدیہ اقبال سے پہلی پوزیشن چھین لی۔ 31 سالہ لنزے اسمتھ نے نیوزی لینڈ اور بھارت کے خلاف شاندار کارکردگی کی بدولت ایک درجہ ترقی حاصل کی۔لنزے اسمتھ نے 2018 میں بین الاقوامی کیریئر کا آغاز کیا تھا، تاہم تقریباً پانچ سال قومی ٹیم سے دور رہنے کے بعد 2024 کے آخر میں وہ دوبارہ انگلینڈ کی مستقل ٹی ٹوئنٹی ٹیم کا حصہ بنیں۔نیوزی لینڈ کے خلاف سیریز میں پلیئر آف دی سیریز کا ایوارڈ جیتنے اور بھارت کے خلاف برسٹل میں کھیلے گئے دوسرے ٹی ٹوئنٹی میچ میں شاندار بولنگ نے انہیں کیریئر کی بہترین عالمی رینکنگ تک پہنچا دیا۔