کراچی( شوبز ڈیسک)پاکستانی اداکارہ مریم نفیس خواتین اور کم عمر بچیوں کے ساتھ پیش آنے والے زیادتی اور قتل کے واقعات پر شدید غمزدہ ہوگئیں۔انہوں نے اپنے انسٹاگرام اکاؤنٹ پر ایک جذباتی ویڈیو جاری کی، جس میں وہ روتی ہوئی دکھائی دیں۔ اداکارہ نے معاشرے میں خواتین اور معصوم بچیوں کو درپیش تشدد اور قتل کے واقعات پر گہرے دکھ کا اظہار کیا۔مریم نفیس نے کہا کہ ایک پانچ سالہ بچی کو اجتماعی زیادتی کا نشانہ بنا کر قتل کیا گیا اور لاش کنویں میں پھینک دی گئی۔ ایک اور واقعے میں بچے خانے کے باہر نومولود بچی پولیس کو ملی، جبکہ اس سے قبل حنا نامی خاتون کو اس کے شوہر نے بے رحمی سے قتل کردیا تھا۔
