لاہور ( سپورٹس ڈیسک)پاکستان کرکٹ ٹیم نے دورہ ویسٹ انڈیز کے لیے بھرپور تیاریوں کا آغاز کر دیا ہے۔قومی کرکٹ ٹیم کے ٹیسٹ اسکواڈ نے راولپنڈی کرکٹ اسٹیڈیم میں پریکٹس سیشن میں حصہ لیا، جہاں کھلاڑیوں نے بیٹنگ، باؤلنگ اور فیلڈنگ کی بھرپور مشقیں کیں۔قومی ٹیم کا تربیتی کیمپ 12 جولائی تک راولپنڈی میں جاری رہے گا، جس کے بعد ٹیم دورہ ویسٹ انڈیز کے لیے روانہ ہوگی۔پاکستان اور ویسٹ انڈیز کے درمیان دو ٹیسٹ میچز کی سیریز کھیلی جائے گی، جس کا پہلا ٹیسٹ 25 جولائی سے شروع ہوگا۔
