لاہور ( سپورٹس ڈیسک)پاکستان اور ویسٹ انڈیز کے درمیان کھیلا گیا پریکٹس میچ بغیر کسی نتیجے کے اختتام پذیر ہو گیا۔کوئینز پارک کرکٹ کلب میں کھیلے گئے میچ میں پاکستان نے پہلی اننگز میں 455 رنز بنائے، جبکہ دوسری اننگز میں ٹیم نے 219 رنز اسکور کیے۔ویسٹ انڈیز کی ٹیم اپنی پہلی اننگز میں 279 رنز بنا کر آؤٹ ہوئی۔پاکستان کی جانب سے شاندار بولنگ کا مظاہرہ کرتے ہوئے محمد علی نے 5 وکٹیں حاصل کیں، جبکہ عامر جمال اور علی عثمان نے 2،2 جبکہ محمد عباس نے ایک کھلاڑی کو آؤٹ کیا۔واضح رہے کہ پاکستان اور ویسٹ انڈیز کے درمیان دو ٹیسٹ میچز پر مشتمل سیریز کا باقاعدہ آغاز 25 جولائی سے ہوگا۔
