لاہور ( سپورٹس ڈیسک)کامن ویلتھ گیمز کے لیے پاکستان کا دستہ 36 کھلاڑیوں اور آفیشلز پر مشتمل ہوگا۔کامن ویلتھ گیمز میں پاکستانی کھلاڑی باکسنگ، ایتھلیٹکس، سوئمنگ، جمناسٹکس، جوڈو اور لان بال کے مقابلوں میں حصہ لیں گے، جبکہ پاکستانی دستے کے چیف ڈی مشن میجر جنرل عادل رحمانی ہوں گے۔ایتھلیٹکس کے مقابلوں میں ارشد ندیم، فائقہ ریاض، انصر عباس، محمد اختر، محمد اسماعیل، محمد یاسر اور نورین حسین پاکستان کی نمائندگی کریں گے۔باکسنگ میں افضل خان، فاطمہ زہرا، ملائیکہ زاہد، قدرت اللہ اور ثمامہ رحمان ایکشن میں نظر آئیں گے۔کامن ویلتھ گیمز میں شہزاد علی جمناسٹک، شاہ حسین جوڈو، جبکہ مقصود، وسیم خان اور محمد ایوب قریشی لان بال کے مقابلوں میں پاکستان کی نمائندگی کریں گے۔اس کے علاوہ حمزہ آصف، حریم ملک، جہاں آراء نبی اور محمد احمد درانی سوئمنگ کے مقابلوں میں حصہ لیں گے۔واضح رہے کہ کامن ویلتھ گیمز 23 جولائی سے 2 اگست تک اسکاٹ لینڈ کے شہر گلاسگو میں منعقد ہوں گے۔
