لاہور( شوبز ڈیسک)معروف یوٹیوبر رجب بٹ کے سالے عون شیخ کی ایک ویڈیو سوشل میڈیا پر تیزی سے وائرل ہو رہی ہے، جس میں انہوں نے دعویٰ کیا ہے کہ ایمان اور کیوان اپنے گھر واپس جانے والے ہیں اور دونوں کے درمیان صلح صفائی ہونے والی ہے۔ویڈیو میں عون شیخ کا کہنا تھا کہ اگر ایمان اور کیوان کے معاملات بہتر ہونے جا رہے ہیں تو کچھ لوگوں کو اس پر اعتراض ہے، حالانکہ یہی رویہ معاملات کو مزید خراب کرنے کا سبب بنتا ہے۔انہوں نے مزید کہا کہ ہم چاہتے ہیں کہ کیوان اپنی اصل جگہ پر جائے، کیونکہ یہ اس کا حق ہے اور اسے اس کا جائز حق ملنا چاہیے۔ ان کے بقول اگر کیوان کو اس کا حق مل گیا تو بعض لوگوں کے ناجائز مفادات متاثر ہوں گے۔واضح رہے کہ معروف یوٹیوبر رجب بٹ گزشتہ کچھ عرصے سے اپنی ذاتی زندگی کے باعث خبروں میں ہیں۔ اہلیہ ایمان سے علیحدگی اور گھریلو تنازعات کے بعد ان کی دوسری شادی سے متعلق مختلف قیاس آرائیاں گردش کرتی رہیں، تاہم رجب بٹ ان افواہوں کی تردید کر چکے ہیں۔
