لاہور( شوبز ڈیسک)معروف مزاحیہ شاعر ڈاکٹر فخر عباس جگر کے مرض کے باعث 50 برس کی عمر میں انتقال کرگئے۔ اہلِ خانہ کے مطابق ان کا انتقال گزشتہ شب لاہور کے ایک نجی اسپتال میں ہوا۔نمازِ جنازہ کی ادائیگی کے بعد ڈاکٹر فخر عباس کی تدفین ان کے آبائی قصبے فاروق آباد میں کردی گئی۔ڈاکٹر فخر عباس کی مزاحیہ شاعری کو خاص شہرت حاصل تھی، جبکہ ان کی نظم ’’یہ جو لاہور سے محبت ہے، یہ کسی اور سے محبت ہے‘‘ نے انہیں خاص طور پر مقبولیت دلائی۔
