لندن (سپورٹس ڈیسک) ومبلڈن کے دفاعی چیمپیئن یانک سنر نے شاندار کھیل کا مظاہرہ کرتے ہوئے سربیا کے عالمی شہرت یافتہ ٹینس اسٹار نوواک جوکووچ کو سیمی فائنل میں شکست دے کر فائنل میں جگہ بنا لی۔یانک سنر نے نوواک جوکووچ کو مسلسل تین سیٹس میں 4-6، 4-6 اور 4-6 سے شکست دی، جس کے ساتھ ہی جوکووچ کا ریکارڈ 25واں گرینڈ سلیم ٹائٹل جیتنے کا خواب بھی ختم ہو گیا۔39 سالہ جوکووچ پورے مقابلے کے دوران سنر کے جارحانہ کھیل کا مؤثر جواب نہ دے سکے، جبکہ اطالوی کھلاڑی نے 16 ایسز کی مدد سے اپنی سروس پر مکمل گرفت برقرار رکھی اور پہلی سروس پر صرف چھ پوائنٹس ضائع کیے۔دوسرے سیمی فائنل میں جرمنی کے دوسرے سیڈ الیگزینڈر زویریف نے برطانوی وائلڈ کارڈ کھلاڑی آرتھر فیری کی شاندار مہم کا اختتام کرتے ہوئے انہیں 0-7 (6)، 2-6 اور 4-6 سے شکست دی۔اس کامیابی کے بعد زویریف 1995 میں بورس بیکر کے بعد ومبلڈن مینز سنگلز فائنل میں پہنچنے والے پہلے جرمن کھلاڑی بن گئے ہیں۔اب اتوار کو کھیلے جانے والے فائنل میں یانک سنر اپنے کیریئر کا پانچواں گرینڈ سلیم ٹائٹل جیتنے کے لیے میدان میں اتریں گے، جبکہ زویریف فرنچ اوپن اور ومبلڈن کے مسلسل دو بڑے اعزاز اپنے نام کرنے کی کوشش کریں گے۔
