اداکارہ مومنہ اقبال کی ویڈیو پر سوشل میڈیا میں بحث، سگریٹ نوشی کے دعوے متنازع بن گئے

لاہور( شو بز ڈیسک) پاکستانی اداکارہ مومنہ اقبال کی شادی کی تقریبات کی تصاویر اور ویڈیوز سوشل میڈیا پر وائرل ہونے کے بعد نئی بحث چھڑ گئی ہے۔حال ہی میں سامنے آنے والی ایک ویڈیو میں اداکارہ کے برائیڈل میک اوور کے دوران ایک منظر پر صارفین نے دعویٰ کیا کہ وہ سگریٹ نوشی کرتی دکھائی دے رہی ہیں، جس کے بعد سوشل میڈیا پر ملا جلا ردعمل سامنے آیا۔کئی صارفین نے اس معاملے کو اداکارہ کی ذاتی زندگی قرار دیتے ہوئے کہا کہ کسی بھی فرد کے نجی فیصلوں پر غیر ضروری تنقید مناسب نہیں۔ بعض افراد نے اسے صحت سے متعلق معاملہ قرار دیتے ہوئے کہا کہ سگریٹ نوشی کے منفی اثرات ہوتے ہیں۔دوسری جانب کچھ صارفین نے اس ویڈیو کی صداقت پر سوال اٹھاتے ہوئے کہا کہ یہ ممکنہ طور پر ایڈیٹ شدہ یا مصنوعی ذہانت سے تیار کردہ ہو سکتی ہے۔ ان کے مطابق جس چیز کو سگریٹ قرار دیا جا رہا ہے وہ دراصل میک اپ کے دوران استعمال ہونے والا کوئی کاسمیٹک ٹول بھی ہو سکتا ہے۔