نیو یارک( سپورٹس ڈیسک)فیفا ورلڈ کپ 2026 کا ٹائٹل اپنے نام کرنے کے بعد اسپین نے صرف عالمی چیمپئن بننے کا اعزاز ہی حاصل نہیں کیا بلکہ بھاری مالی انعام بھی جیت لیا۔نیو جرسی میں کھیلے گئے فائنل میں ارجنٹینا کو شکست دینے والی اسپین کی ٹیم کو تاریخی کامیابی پر 5 کروڑ امریکی ڈالر کی انعامی رقم دی گئی، جو گزشتہ ورلڈ کپ کے مقابلے میں نمایاں طور پر زیادہ ہے۔فائنل مقابلے میں دونوں ٹیمیں مقررہ 90 منٹ تک گول کرنے میں ناکام رہیں، جبکہ اضافی وقت کے پہلے حصے میں بھی مقابلہ برابر رہا۔ تاہم 106ویں منٹ میں فیران ٹوریس نے فیصلہ کن گول کرکے اسپین کو 16 سال بعد دوبارہ عالمی چیمپئن بنا دیا۔رنر اپ رہنے والی ارجنٹینا کی ٹیم کو بھی 3 کروڑ 30 لاکھ ڈالر کی انعامی رقم دی گئی، جبکہ تیسری پوزیشن حاصل کرنے والی انگلینڈ کو 2 کروڑ 90 لاکھ ڈالر اور چوتھے نمبر پر آنے والی فرانس کی ٹیم کو 2 کروڑ 70 لاکھ ڈالر ملے۔فیفا کے مطابق ورلڈ کپ 2026 میں مجموعی طور پر 65 کروڑ 50 لاکھ ڈالر کی انعامی رقم مختلف ٹیموں میں تقسیم کی گئی، جو 2022 کے قطر ورلڈ کپ کے 44 کروڑ ڈالر کے انعامی فنڈ سے کہیں زیادہ ہے۔یوں فیفا ورلڈ کپ 2026 نہ صرف سنسنی خیز مقابلوں اور شاندار کھیل کے باعث یادگار رہا بلکہ انعامی رقم کے لحاظ سے بھی تاریخ کا سب سے بڑا ورلڈ کپ ثابت ہوا۔
