تھلاپتی وجے نے اہلیہ کی طلاق کی درخواست کے بعد اپنی شادی تنازع سب کچھ بتادیا

ممبئی( شوبز ڈیسک)بھارتی اداکار اور ساؤتھ انڈسٹری کے سپر اسٹار تھلاپتی وجے نے اہلیہ کی جانب سے طلاق کی درخواست دائر ہونے کے بعد اپنی شادی سے متعلق جاری تنازع پر ردعمل ظاہر کیا ہے۔بھارتی میڈیا رپورٹس کے مطابق چند روز قبل وجے کی اہلیہ سنگیتا سورنالنگم نے 25 سالہ رفاقت کے بعد عدالت میں طلاق کی درخواست دائر کی تھی۔ سماجی کارکن اور کاروباری شخصیت سنگیتا نے ریاست تمل ناڈو کے ضلع چینگلپٹو کی عدالت میں درخواست دیتے ہوئے شادی کے باقاعدہ خاتمے کے لیے استدعا کی، ساتھ ہی طلاق کے بعد مستقل نان و نفقہ اور ازدواجی گھر میں رہائش جاری رکھنے کی بھی درخواست کی۔میڈیا سے بات کرتے ہوئے تھلاپتی وجے نے کہا کہ میرے گرد موجود حالیہ مسائل کے بارے میں فکر نہ کریں کیونکہ یہ آپ کے وقت کے قابل نہیں ہیں۔ انہوں نے مزید کہا کہ وہ خود ان معاملات کو سنبھال لیں گے اور سب سے زیادہ دکھ اس بات کا ہے کہ ان کے مسائل کی وجہ سے لوگ پریشان یا دکھی ہوں۔تازہ رپورٹس کے مطابق سنگیتا سورنالنگم نے عدالت میں نئی درخواست دائر کی ہے جس میں انہوں نے ازدواجی گھر میں رہائشی حقوق کے لیے مطالبہ کیا ہے۔ رپورٹس کے مطابق وہ یا تو اسی گھر میں رہنے کا حق چاہتی ہیں یا متبادل رہائش کے ساتھ مناسب اور مستقل نان و نفقہ کی درخواست کر رہی ہیں۔