کراچی( شوبز ڈیسک) نامور پاکستانی اداکارہ ماہرہ خان نے ایک نجی ٹی وی پروگرام میں گفتگو کے دوران اپنے مداحوں کو دلچسپ انکشاف سے آگاہ کر دیا۔پروگرام میں سوال و جواب کے سیشن کے دوران ایک سوال کیا گیا کہ جب پورا پاکستان ان پر دل ہارتا ہے تو ان کا پسندیدہ شخص کون ہے؟ اس پر اداکارہ نے مسکراتے ہوئے جواب دیا کہ ان کے شوہر ہی ان کی پسند ہیں، جس پر حاضرین نے بھرپور اور خوشگوار ردعمل دیا۔گفتگو کے دوران ماہرہ خان نے شوبز صنعت کو درپیش مسائل پر بھی کھل کر بات کی۔ ان کا کہنا تھا کہ فنکاروں کو ان کے کام کے مطابق مناسب معاوضہ ملنا چاہیے، جیسا کہ دنیا کے دیگر ممالک میں رائج ہے۔انہوں نے کہا کہ وہ یہ نہیں چاہتیں کہ یہاں غیر ملکی فلمی صنعت جیسا کام ہو، تاہم کم از کم اتنا ضرور ہونا چاہیے کہ کسی فنکار کو مالی مشکلات کا سامنا نہ کرنا پڑے۔ ان کے مطابق سینئر فنکار تو کسی نہ کسی طرح گزارا کر لیتے ہیں، مگر نئے فنکاروں اور تکنیکی عملے کو شدید مشکلات کا سامنا رہتا ہے۔ایک اور سوال کے جواب میں اداکارہ نے بتایا کہ انہیں عید الفطر، عید الاضحیٰ کے مقابلے میں زیادہ پسند ہے۔ساتھی اداکار فہد مصطفیٰ سے متعلق گفتگو کرتے ہوئے ماہرہ خان نے بتایا کہ انہوں نے انہیں پہلے چشمہ اور بعد ازاں چپل بطور تحفہ دی تھی۔
