ڈبلن( سپورٹس ڈیسک) آئرلینڈ میں جاری ویمن ٹی ٹوئنٹی ٹرائی سیریز میں پاکستان ویمن ٹیم کو مسلسل دوسری شکست کا سامنا کرنا پڑا، آئرلینڈ نے قومی ٹیم کو 7 وکٹوں سے ہرادیا۔میچ میں پاکستان ویمن ٹیم نے پہلے کھیلتے ہوئے 6 وکٹوں کے نقصان پر 176 رنز اسکور کیے۔ ہدف کے تعاقب میں آئرلینڈ نے شاندار بیٹنگ کا مظاہرہ کیا اور مطلوبہ 177 رنز صرف 3 وکٹوں کے نقصان پر حاصل کر لیے۔آئرلینڈ کی جانب سے ربیکا اسٹوکیل نے 60 اور ایمی ہنٹر نے 56 رنز بنا کر نمایاں کارکردگی دکھائی۔پاکستان ویمن ٹیم سیریز میں اپنا اگلا میچ 3 جون کو ویسٹ انڈیز کے خلاف کھیلے گی۔
